德興火鍋海鮮酒家 (Closed)

一行四人晚上七點半左右黎到，唔駛等位，一入坐已講明每位$108任飲任食、免加一茶芥，限時兩小時埋單，超時每位加收20個鐘，湯底有幾款，(沙爹鴛鴦，皮蛋荽茜、清湯)如另選特別湯底要另加收費，叫了鴛鴦湯底味道一般，食物都有好多選擇，不過每次送黎都係以番人數比例分配食物，出菜速度都算快，食物都幾新鮮，每位送蝦、帶子、珊瑚蚌一隻，如果想食海鮮類或大碟肥牛要另外落單，任飲飲品只有兩款竹蔗矛根同酸梅湯，你一飲晒一榨好快待應幫你添加，個晚我地飲竹蔗矛根味道超甜，可能係用好多糖水黎煲，以咁既價錢食物都算可以，待應招呼態度好好，無話黑口黑面，最唔好就係枱與枱之間好迫，椅背貼椅背，想起身都要左移右移，坐較窗位置比起坐場中好少少。