十下火鍋

香港人最鍾意打邊爐，而呢間就主打港式懷舊風嘅火鍋，裝潢以八十年代舊屋邨為主調，大圓枱、霓虹燈牌、階磚牆、地板、播著經典流行金曲、讓人重溫舊回嘅香港呀🇭🇰 湯底要咗鴛鴦鍋，一邊係木瓜蕃茄鮮魚湯，另一邊係清燉山藥菌菇湯，木瓜軟腍滋潤，蕃茄酸甜開胃，仲有大半條魚放咗喺裏面，肉質肥美，食落啖啖肉，未開始已經飽咗一成🤣 雜菇配料滿滿，紅棗杞子亦係健康材料，兩款各有千秋～ 另外值得一讚嘅係呢度都係加湯而唔係水，所以唔會越煮越無味！整體嚟講呢度嘅火鍋料好有特色，大部份出面都未試過，大推花雕醉蝦同花雕醉雞，散發著濃濃嘅酒香但同時唔會失去本身嘅鮮甜味，前者肉質爽口彈牙，後者嫩滑唔嚡口，超有驚喜🤩 另外仲有可愛迷人嘅迷你福袋，外皮厚度適中，餡料豐富，值得一試～ 而鮮蝦雲吞都唔錯，細細粒，一口一啖，可惜太飽唔係嘅話會DIY個雲吞麵😂食完一輪肉就到菜了，蔬菜拼盤份量十足，有兩款指定蔬菜再加蘿蔔、粟米同冬菇，新鮮，入味，適合多人share！最後記得要留肚食鹹蛋撈飯，飯粒粒粒分明，炒得好有鑊氣，鹹香味突出，真係不得了🥹