靚煲皇 (Closed)

天氣一凍第一時間就諗起打邊爐，可以暖泣泣，三五朋友一齊十下十下，但呢個時候食打邊爐，一定book台，如果唔系食飯時間有排等，今日平日我地book 左7:30pm,來到不算多人，但一坐底一陣場就爆滿了，好彩我地有預先準備，提前book左台，如果唔系都唔知要等到幾時。生蠔，侍應話而家生蠔系黎自本地蠔，雖然望上去不算好大隻，但每一隻也算肥美，咬落口卜一下，內裡的蠔汁爆晒出黎，鮮甜可口，一點也沒有腥味。桂花蚌，上台望落去好有色澤，一看就知是新鮮沒雪到變色，滾熟左食落爽脆，鮮甜。炸香芋片，可以當小食食用，因為一上台是剛炸好的，所以即食用是十分香口，食落芋頭夠晒粉，所以好香芋頭味，炸得夠乾身，但沒炸到過晒火，如果凍左仲可以放返落火鍋裡面，煮返熱黎食，兩種食法，一樣甘好味。