熾工房 (Closed)

早排入長洲郊遊時試過有 “長洲 KFC” 之稱嘅熾工房，叫咗滋味脆雞套餐同原味烤雞套餐，一個跟薯條，另一個加三蚊轉蘑菇飯。首先要讚下個飯，好 creamy，好食👍，汁嘅份量唔算多，剛好夠撈飯。薯條就一般，比較乾同硬😐。套餐有兩件雞，都係一雞槌一雞胸，其實平時我好少食 KFC，因為覺得炸雞啲皮好硬啲肉好乾，不過熾工房嘅炸雞就冇乜呢個情況，雞皮炸得脆卜卜，雞肉仍然保留肉汁，雖然係雪藏貨，肉質都唔算嚡口，唔錯。相對之下，其實我更鍾意烤雞，一來肉汁更多，二來香草味更豐富，更啱我口味。