川館 (大王東街)

Open Now

Now Closed

最近天氣好凍呀，食個烤魚黎暖暖身先！由於我地都係唔食得辣既，只係叫左酸菜烤魚套餐，原來送廣島蠔（6隻）同蔬菜拼盤，亦可以加$68配手切牛肉。因為怕食唔曬所以冇加酸菜魚好大條呀，配料有豆卜、蓮藕等。魚肉外焦內軟，伴隨著淡淡酸菜味，正呀！我初時以為得烤魚食，但點知見到menu有好多小炒、特色菜，忍唔住叫左個茶樹菇爆炒豬頸肉（$118）平時既豬頸肉係一片片既，佢居然係條狀！味道幾好食，分量好夠！餐廳好容易搵，食物味道不錯，分量好夠，推薦大家去食！我見好多內地人都黎幫襯，唔知可唔可以慰藉到佢地思鄉之情呢！