辣辣屋

Open Now

Now Closed

今晚同朋友去刷餐勁，想慢慢食邊食邊傾偈，打邊爐就啱晒喇，但又想食得特別少少，朋友就提議去食烤魚。烤魚唔係好多地方有得食，特別係喺北區，搵到喺聯和墟有一間睇落幾四正嘅，即刻決定去試一試。呢度嘅烤魚有幾款口味，有辣有唔辣，任君選擇。由於有朋友唔食得辣，所以點左個「蒜/蒜/蒜雜菌味」。烤魚用上咗江團魚，嫩滑少骨，啖啖肉。由於烤魚加入左孜然粉，所以會有微微嘅辣，更添風味。除咗烤魚之外，見到啲燒烤食物好吸引，所以都叫咗幾款試一試。首先有大嘅串燒拼盤，當中有豬柳，雞肉，牛舌，豬頸肉，全部都好好食，燒得夠焦香，有BBQ嘅獨有香味。仲點咗個蒜燒茄子，超多蒜，好惹味！另外仲有個蒜香黃金皮蛋，份量都幾多，仲伴有少少生菜同蕃茄仔。今餐幾道菜都好好食，特別係烤魚，因為平時都好少咁樣食到大大啖魚肉，而且個湯亦好好味，令人非常滿足。