品僖小廚 (Closed)

我地兩個諗緊食咩嘅時候，經過見到有間新舖，係雞煲喎，都好呀，又可以慢慢食。好，坐低睇吓有咩好食先。本身諗住食雞煲，但次次都食雞煲，不如今次食烤魚，講真，我係未食過烤魚，哈！萬州烤魚，個烤魚到啦，嘩，叫左正常辣，好似好好味咁，叫兩碗白飯先。裡面配料好多，有雲耳、豆卜、芽菜、苕粉，等等，豆卜索晒個湯，正！個魚係用烏江魚，魚質好滑，而且烹調得剛剛好，個魚皮雖然浸左係湯度，但食落都仲係脆架，條魚都好大條多肉，骨唔多。飲品就叫左兩杯華田。