Video
Read full review
2016-10-08
142 views
我諗而家有好多人都幾鍾意食烤魚呢樣嘢，諗翻起我第一次接觸烤魚嘅時候係喺大陸嗰陣時，諗返起原來已經係講緊三四年前。係呢三四年嘅期間，烤魚慢慢咁樣喺香港嗰度做起咗，由一啲茶餐廳發展到而家嘅專門店認真唔容易。通常返大陸食烤魚嘅時候，最常見到嘅味道會係酸菜味，麻辣味，香辣味，早知全部都係辣！辣！辣！唔辣唔開心甘。咁講真食麻辣或者香辣食到個人㷫烚烚咁樣又真係幾過癮嘅，咁但係成日食辣又未必係一樣好事，好似我今日忽然間就想試吓啲清清地嘅味道，就揀咗個唔辣嘅烤魚，估唔到個感覺又幾好喎。我揀咗呢一個就係雜菌味嘅烤魚，今次呢個烤魚就係用咗鯰魚，據稱呢種魚就係比較多肉小骨，所以會比較容易食。烤魚攞出嚟嘅時候雜菌已經放咗喺烤魚嘅上面，條魚都已經一早經過處理，應該就係已經煎香左，所以條魚一上枱其實已經可以食得，但係如果想更加入味呢，就要等一陣，要煮下先。雜菌有好多款，有雞髀菇，秀珍菇，冬菇亦都由金菇，至於個湯嘅味道呢就有菌嘅鮮味，又唔會太油膩。再加埋條魚一路煲出嚟嘅湯，越煮越鮮甜。配菜我就揀咗個時蔬同埋個豆皮，個豆皮食落去嗰種感覺有少少似涼皮嘅感覺，我就建議大家將個豆皮煮耐小小，等佢吸收左個湯嘅精華再食都未遲！
通常返大陸食烤魚嘅時候，最常見到嘅味道會係酸菜味，麻辣味，香辣味，早知全部都係辣！辣！辣！唔辣唔開心甘。
咁講真食麻辣或者香辣食到個人㷫烚烚咁樣又真係幾過癮嘅，咁但係成日食辣又未必係一樣好事，好似我今日忽然間就想試吓啲清清地嘅味道，就揀咗個唔辣嘅烤魚，估唔到個感覺又幾好喎。
我揀咗呢一個就係雜菌味嘅烤魚，今次呢個烤魚就係用咗鯰魚，據稱呢種魚就係比較多肉小骨，所以會比較容易食。烤魚攞出嚟嘅時候雜菌已經放咗喺烤魚嘅上面，條魚都已經一早經過處理，應該就係已經煎香左，所以條魚一上枱其實已經可以食得，但係如果想更加入味呢，就要等一陣，要煮下先。
雜菌有好多款，有雞髀菇，秀珍菇，冬菇亦都由金菇，至於個湯嘅味道呢就有菌嘅鮮味，又唔會太油膩。再加埋條魚一路煲出嚟嘅湯，越煮越鮮甜。配菜我就揀咗個時蔬同埋個豆皮，個豆皮食落去嗰種感覺有少少似涼皮嘅感覺，我就建議大家將個豆皮煮耐小小，等佢吸收左個湯嘅精華再食都未遲！
除咗烤魚之外，我都叫咗個涼菜。去到食四川風味嘅鋪頭，涼菜係我必食嘅嘢，因為食飯之前先食少少會刺激下自己嘅味覺，到時食主菜嗰陣時候食嘢都食得多啲啦！
呢個涼拌豬耳，將啲豬耳切到好薄，跟住撈埋啲麻辣嘅醬汁食落去會好入味，呢個辣係屬於中辣，中意食辣嘅人先至好叫，如果食唔到就要同店員講一講聲要過小辣。
其實今日選食個唔辣嘅烤魚都諗咗好耐，因為驚如果唔辣個烤魚唔辣係唔好食，但係估唔到好有突破，反而咁樣可以食出魚嘅鮮味，所以食烤魚清清地食都係一個唔錯嘅選擇！
Post
