祥仔辣辣 (雅蘭中心) (Closed)

秋風起，除左打邊爐，食烤魚熱辣辣都好暖心🍂今次去左祥仔辣辣旺角店食烤魚，環境好寬敞，坐得好舒服。平時就食得多辣味湯底，不過朋友食唔得辣就試呢個番茄濃湯味，點知都好有驚喜呀😋🔸魽魚（HK$388） - 濃湯番茄味魚類分3種選擇，另外仲有海鱸魚同桂花魚，今次我地就揀魽魚🐟肉都算多，2個人食都好足夠呢。湯底方面如果鍾意食辣嘅就可以揀麻辣味/酸菜味/青椒味/泡椒味，今次我地揀無辣嘅濃湯番茄味🍅質地超濃稠，加左2次糖都唔會變得好水，入口每口都好香甜濃郁😛 而補加嘅湯係秘製膠原濃湯，採用鯊魚骨、雞骨、豬骨熬成～🔸 烤魚配料 - 皇帝蟹柳 （HK$48）、午餐肉 （HK$38）、炸響鈴 （HK$$48）、土豆片 （HK$28）、娃娃菜 （HK$28）烤魚本身已配有啲配料，例如薯粉條、番茄、菇類等，但當然要自己額外再加，食落就更豐富啦😙午餐肉係祥仔最近新出嘅自家製產品，脆口得黎本身仲帶少許辣味，食落更惹味😜而其他配料全部都好吸湯汁！🔸 夫妻肺片（HK$48）呢個餐仲有得優惠價咁加配前菜，當然要食夫妻肺片啦，口感好爽口，食落微辣開胃😎