旺旺烤活魚 (Closed)

而家潮流興食酸菜魚，烤魚。開到成行成市，要揾間好食既唔易。有屋企人試過油麻地，㕵旺烤活魚，星期日同朋友去試下。首先要讚下呢度坐位好闊落，唔會有好迫既感覺，坐係度傾計都好舒服。我地諗左一陣，決定食好啲，就叫左招牌酸菜烤沙巴龍躉。等左一陣，好快就上菜，龍躉相當大條，魚索哂d酸菜汁，勁鮮味，肉地結實，好有質感。只係食魚當然唔夠，叫左蒜蓉烤大元貝，好大隻蒜香撲鼻。最後加上必食燒烤組合，就剛剛好夠飽了。當然食左咁多香口野，梗要飲下啤酒下火。飲飽食醉都是700幾埋單，價錢比較合理。