小魚兒 (富麗花園) (Closed)

踏入初秋，一早一晚都顯得清涼。愛吃的我當然會想起打邊爐、雞煲，烤魚。上星期日正好約咗朋友飯聚，而朋友又有間放口袋好耐嘅餐廳想食，咁我哋就約埋試試佢。餐廳位於寶琳富麗花園地下，港鐵步行七分鐘左右就到，非常方便。用餐時間係星期日下午兩點半，由於過咗食晏時間，唔使排隊就入到。入到餐廳目測約七成滿，呢個時間嚟講算多人，而多數人都係食烤魚，心諗一定好食先會咁多人叫。我哋二話不說就決定食烤魚。烤魚有四款可以選擇，有海鱸魚、江團魚、凌波魚，筍殼魚。烤魚口味有十款咁多，有辣有唔辣，總會有一款啱你口味。由於我哋唔想咁多骨同唔係幾食得辣，所以我哋揀咗海鱸魚配小麻小辣嘅爆醬鳳梨香辣豆花口味。海鱸魚³⁰⁸配爆醬鳳梨香辣豆花⁺¹⁸表面鋪滿色彩繽紛嘅鳳梨、紫洋蔥、芫荽、青泡椒、紅辣椒等等。單靠視覺效果都已經令我食慾大開。海鱸魚鮮味甘甜，肉質嫩滑結實又夠大條。湯底香辣配埋新鮮香甜嘅鳳梨，非常惹味。而湯底配料好足，有大豆芽、木耳、青瓜，豆花。另外加咗兩款配料，基本上兩個人食都好夠飽。萵荀⁴⁸萵荀口感鮮嫩爽脆，清新開胃。寬粉³⁶麻辣湯底又點少得寬粉。煮熟後晶瑩剔透，食落煙煙韌韌，索埋麻辣湯一齊食。簡直絕配！芒果乳酸爆珠