小魚兒 (富麗花園) (Closed)

其實我除左係食肉獸，仲係一個辣妹黎（哈哈！）今次又發現新大陸，將軍澳寶林附近開左間新的烤魚店，即刻要去試下先。烤魚的味道選擇非常之多，有辣有唔辣的選擇，咩人都啱丫。因為我比較喜歡麻辣的味道，所以我地點左份鮮九菜花椒ＢＢ 豆花烤魚，辣度及麻度都可以自己，我地揀左大辣同少麻，如果怕淨食烤魚的話， 仲可以點其他小食／串燒／小炒，選擇種類非常之多，我地仲點左份炸蝦餅（眼闊肚窄的寶寶）在等烤魚的期間仲見到原來有老火湯任飲，我地即刻去望下，原來係青紅蘿蔔粟米湯，超正！個烤魚黎到啦，條魚都算幾大條，味度幾正，夠哂麻辣，又唔會食到成口花椒（好怕咬到花椒），仲有啲寬粉索哂湯汁，豆花又超滑，入哂味，兩個人食絕對夠飽！已經諗定下次想食咩味道啦。。。。