4號烤吧 (Closed)

4號烤吧之前聽住喺太和嘅朋友講過話唔錯，但一直未有機會試！因為喺太和比較遠，知道佢喺堅尼地城開左，喺港島番工嘅我，咁近城隍廟就緊係去試下！一去到店員好熱心好客，同我地推介有咩招牌菜式。我同友人嗌左個烤酸菜凌波魚，再嗌左啲配料。烤魚有好多配料有芫荽、紫洋蔥、芹菜、豆卜、蓮藕。聽店員講佢嘅嘅菜係本地農場直送，所以好新鮮！烤魚亦煎得非常香，再配以酸菜湯，非常之開胃！200幾蚊嘅烤魚尼講，真係好足料，Cp值非常高！後面枱嗌嘅嘢都非常之香，八卦之下問下店員係咩尼，原來係卜卜蜆鍋！下次我一定要試埋佢呀！嘢飲方面都有好多選擇，有酒有特飲。今日養生一下，嗌左人參烏龍，味道清香回甘，又可以消滯！