Seafood ghost (Closed)

冬天邊爐打到悶悶地，一於加埋烤魚二合一，邊火鍋邊烤魚，又幾盞鬼喎。 泰國冬蔭公烤江團魚（bb辣） $268有三款魚選擇，最後揀左比較少骨的江團魚，魚身夠厚肉，仲有不少配料如冬菇、蓮藕、薯仔，未食其他火鍋料都夠飽。湯底香濃，但沒有過咸搶去魚鮮味，食條魚不經不覺都食左成粒鐘。頂級黑豚豬腩片 $125敵不住引誘都要叫啲火鍋配料，豬腩片肥瘦均勻切得夠薄好快熟，食多2片都唔覺飽。 十優狀丸 $102丸丸丸點可以唔叫，貪心一次食晒多款丸最滿足。十優狀丸有齊黑松露墨魚丸、蝦丸、墨魚丸、黑墨丸及鯪魚丸。每款兩粒，激讚墨魚丸同蝦丸，入面夠真材實料好夠味而且爽口彈牙。凍青檸梳打 $32梳打加點青檸味道清清地。水蜜桃乳酸梳打 $32微酸甜甜地都幾好飲。