小魚兒 (富麗花園) (Closed)

近排都多烤魚既餐廳，烤魚呀雞煲個d最怕個味道會過咸，而今次黎食小魚兒餐廳既烤魚就冇呢個問題。首先揀左海爐魚，口味叫左古鎮水碼頭毛血旺，黎到見到咁大條魚都流哂口水，仲要配埋毛血旺簡直係超夾，毛血旺係有水魷魚、鴨血、牛柏葉，辣度除左基本辣度外，仲有分多麻中麻定小麻。條魚幾爽啲肉，味道唔會好咸，又唔會死辣，仲幾鮮甜。毛血旺份量好多，個人最喜歡牛柏葉。另外叫左個口水雞，呢個口水雞係我食過最好食既口水雞醬，味道係好實在，辣味加埋小小花生醬味，而唔係好似其他口水雞咁又多油又扮哂好辣咁。仲要隻雞唔係凍到實的的咁，暖暖地仲好食。最後，閒日中午黎食都幾多人，係將軍澳區黎講呢間既烤魚算係數一數二。