蚊蚊豬老火鍋 (Closed)

每逢落雨天個mood就跟住情緒化🌂唯有去任點任食cheer up吓！朋友講起有間性價比非常高嘅火鍋店想試！話二百零蚊位就可以無限暢食😍重點係個湯底都可以無限制轉換四川烤魚, 雞煲, 牛尾鍋, 同多款招牌火鍋底！！(雖然最後我哋眼闊肚窄😂要等下次至再試到其他鍋底😂). 六點左右早去到🤫未夠七點已坐滿人！我哋首輪先點咗✨手打濃鮮茄味(小辣)烤魚(鱸魚)！大大條上枱冇欺場！由於整條魚已油炸煎封咗至放落湯！所以外脆內軟滑嘅魚肉鮮甜又美味！大推薦👏🏻👏🏻另外店員會先送上一盤✨刺身拼盤！本身對火鍋放題嘅刺身冇期望嘅情況之下…竟然食落又幾新鮮喎😉當中尤其鍾意閃令令嘅墨魚！跟住會再有每枱一盤嘅✨海鮮拼盤！質素都有驚喜呀！最得Be歡心係鮑魚＆仲識郁嘅海蝦👍🏻鮮美彈牙👍🏻我哋仲用QR code點咗啲小食同✨手切安格斯肥牛 ＆✨封門柳！呢個牛肉拼盤賣相一流呀！肉質就正常放題品質啦🤭除此之外自助區都有正常嘅✨丸類✨蔬菜可供選擇👌🏻👌🏻Be覺得不得不提嘅係以呢個價錢嘅放題嚟講…飲品區竟然有埋「醇滑啤酒」任飲 ＆ 雪糕櫃有「 Gelato」任食！係加分位❤️❤️