Video
Read full review
2021-12-03
81 views
今日去深水埗買3C產品，經過發現好似有間新餐廳，有得食勁多款煲，係以任食嘅形式，二百幾蚊又可以食四川烤魚+四川雞煲+羊腩煲？以為自己get錯，問一問職員，原來佢哋呢度嘅放題超特別，你可以食完烤魚，再叫雞煲，食完雞煲又可以叫五指毛桃鮮雞鍋，或者鴛鴦鍋打邊爐。勁誇張喎真心，另外最最最最最抵食嘅係，每台都可以食一煲羊腩煲 ，平時出去食羊腩煲一煲都最少二百幾蚊，喺呢度二百幾蚊除咗食完羊腩煲之外仲可以食雞煲烤魚，見到咁抵食 ，真係冇誇張考慮咗1秒就入咗去😂😂😂一開始我哋揀咗個四川烤魚麻辣味 ，叫咗中辣唔算係好辣，另外職員都好熱心食到一半想加辣啲佢哋自己幫我哋調配辣調料，幫我哋加辣。烤魚份量好大條，肉質都唔錯，真係啖啖肉，份量勁足，另外仲有啲炭烤味，魚皮魚肉都好香，麻辣烤魚真係冇得頂。食完條烤魚，咋咋淋叫個羊腩煲，目標係回本再回本，羊腩煲唔錯，唔會好蘇，羊肉都好多件。 食完羊腩煲就即刻叫返個雞煲，雞煲炒得好香口，麻麻辣辣好吸引。食晒啲車之後就可以加番啲湯，開始我哋嘅打邊爐之旅，呢度嘅任食款式都超多，一定要叫安格斯牛肉，真係誠意十足，平時叫一碟安格期手切牛肉，細碟都要二百幾蚊大碟最少三百幾蚊起，
今日去深水埗買3C產品，經過發現好似有間新餐廳，有得食勁多款煲，係以任食嘅形式，二百幾蚊又可以食四川烤魚+四川雞煲+羊腩煲？以為自己get錯，問一問職員，原來佢哋呢度嘅放題超特別，你可以食完烤魚，再叫雞煲，食完雞煲又可以叫五指毛桃鮮雞鍋，或者鴛鴦鍋打邊爐。勁誇張喎真心，另外最最最最最抵食嘅係，每台都可以食一煲羊腩煲 ，平時出去食羊腩煲一煲都最少二百幾蚊，喺呢度二百幾蚊除咗食完羊腩煲之外仲可以食雞煲烤魚，見到咁抵食 ，真係冇誇張考慮咗1秒就入咗去😂😂😂
一開始我哋揀咗個四川烤魚麻辣味 ，叫咗中辣唔算係好辣，另外職員都好熱心食到一半想加辣啲佢哋自己幫我哋調配辣調料，幫我哋加辣。烤魚份量好大條，肉質都唔錯，真係啖啖肉，份量勁足，另外仲有啲炭烤味，魚皮魚肉都好香，麻辣烤魚真係冇得頂。
食完條烤魚，咋咋淋叫個羊腩煲，目標係回本再回本，羊腩煲唔錯，唔會好蘇，羊肉都好多件。 食完羊腩煲就即刻叫返個雞煲，雞煲炒得好香口，麻麻辣辣好吸引。
食晒啲車之後就可以加番啲湯，開始我哋嘅打邊爐之旅，呢度嘅任食款式都超多，一定要叫安格斯牛肉，真係誠意十足，平時叫一碟安格期手切牛肉，細碟都要二百幾蚊大碟最少三百幾蚊起，呢度居然係任食，我哋兩個叫咗成12碟，仲要安格斯牛肉嘅質素係真係幾好 ，同出邊打邊爐嘅質素差唔多，都係好香好香牛味，啲油脂真係不得了。
除咗安格斯牛肉之外仲有牛板腱，封門柳，牛胸花，超多款靚牛肉，不過當然啦，要食就食最好，我哋係狂叫安格斯牛肉😝食到喺度諗餐廳點收支平衡😂😂真係超超超超超超抵食👍🏻👍🏻👍🏻👍🏻
以為已經完咗？唔係呀呢度仲可以任叫刺身，一開始已經送咗個刺身拼盤同埋海鮮拼盤，刺身有三文魚 ，馬刀貝，甜蝦等等，雖然唔係話超靚嘅質素，但係咁嘅價錢真係冇得輸。
食到飽飽，仲有雪糕可以解下油膩，居然係香港製造個喎，我就揀咗嗰D24榴槤，估唔到連榴槤味都有，仲要係d24，再一次喺度懷疑餐廳點收支平衡😂😂平時去任食啲雪糕勁難食，呢間嘅雪糕真係幾好食，仲要喺香港製造意大利雪糕，真係食得太飽啦線唔到其他味道，下次過嚟要試埋紫薯味😍
總括嚟講呢間任食烤魚雞煲羊肉煲打邊爐，我哋買單兩個人$590，仲要係繁忙時段，係真心超抵食誠意推介， 仲要係好食👍🏻👍🏻👍🏻👍🏻👍🏻
Post
