小魚兒 (寶漢大廈) (Under Renovation)

臨近農曆新年就好多飯局 今日約左朋友係銅鑼灣等 諗住去到再揀食咩 早左到就去咗銅鑼灣廣場行下 一岀返馬路就見到好大個牌寫住小魚兒 勁吸精！所以就同朋友決定試下🥰上到去都好企理 員工都好有禮貌 佢叫得做小魚兒無理由唔試下佢嘅魚 所以就叫左個黃金蒜香豆花海鱸魚 加左寬粉同薯仔片 額外再加左個四款配菜嘅冒菜😜個魚好快就上到枱 職員幫手整好個火之後 好快就香味四溢 等登叫左個唔辣嘅試下條魚嘅質素 個魚質素都幾高 首先佢唔腥 加上佢嘅肉質唔會霉霉爛爛咁 個湯底亦都唔會搶哂條魚嘅味道 佢魚嘅隔離放左好多蒜頭 好入味 間中配上魚肉一齊食又係另一種風味 條魚亦都好夠份量 兩個人食完全無問題😎食到中途落嘅寬粉好煙韌 連埋個湯一齊食都好正 薯仔片就不過不失啦過一陣就食個冒菜 叫左雲南酸辣湯 四款菜分別係肥牛 萵筍 蟹粉蟹籽同油麥菜 配蕃薯粉 值得一提嘅係佢菜式多選擇之餘亦都好貼心可以揀辣度 可以就返自己口味😻佢嘅配菜都好食 而個酸辣湯底都帶動到食慾 蕃薯粉唔會好散 水準都好高總括嚟講 佢個烤魚真係全日重中之重 下次再嚟可以試第二款魚同另一個口味