Video
Read full review
2019-07-02
156 views
最近好興返大陸食烤魚，見屋企附近新開張，就約埋朋友試試啦，如果高質就唔返大陸食咁遠啦，誰知一肚火離場！ 我地８：００左右坐底，極速點菜後等食，我地叫左前菜皮蛋，主菜酸菜烤盧魚，同健康檸茶。皮蛋沒有很特別，鄰店連鎖式米線店好味得多；健康檸茶，茶味過濃有苦澀味。唔緊要，我黎主要目的係食烤魚。 大約等左１５分鐘，侍應話冇盧魚要我地轉鯇魚，唔緊要由佢轉，３０分鐘之後我地追問要等幾耐，侍應一直同我地話「跟緊喇，好快有」。直到我地見到隔離幾台客遲過我地落單都有得食喇，我地再追問侍應，佢答我地３分鐘有。結果，３分鐘後侍應同我地講冇魚，我地足足等左一個鐘有多，依家先黎話冇？我：你唔早講冇？侍應：條魚俾左另一台客所以冇左我：咁姐係點呀？侍應：頭先叫你地轉鯇魚又唔轉（態度極差）我：我地一開始咪轉左囉侍應：咁依家冇晒唔通我依家出去買俾你呀？（態度更差）我：你打開門做生意，自己唔備貨關我咩事？你俾錯另一台客仲鬧我地？侍應：入面仲有２條鯇魚依家整俾你３分鐘有得食（發悔氣）我：仲等？你一時話有一時話冇，我等左成個鐘喇，你依家又同我講３分鐘，你知唔知自己講緊咩？然後我地起身走。期間亦有另一台客都因為等太耐同埋冇魚而
我地８：００左右坐底，極速點菜後等食，我地叫左前菜皮蛋，主菜酸菜烤盧魚，同健康檸茶。皮蛋沒有很特別，鄰店連鎖式米線店好味得多；健康檸茶，茶味過濃有苦澀味。唔緊要，我黎主要目的係食烤魚。
大約等左１５分鐘，侍應話冇盧魚要我地轉鯇魚，唔緊要由佢轉，３０分鐘之後我地追問要等幾耐，侍應一直同我地話「跟緊喇，好快有」。直到我地見到隔離幾台客遲過我地落單都有得食喇，我地再追問侍應，佢答我地３分鐘有。
結果，３分鐘後侍應同我地講冇魚，我地足足等左一個鐘有多，依家先黎話冇？
我：你唔早講冇？
侍應：條魚俾左另一台客所以冇左
我：咁姐係點呀？
侍應：頭先叫你地轉鯇魚又唔轉（態度極差）
我：我地一開始咪轉左囉
侍應：咁依家冇晒唔通我依家出去買俾你呀？（態度更差）
我：你打開門做生意，自己唔備貨關我咩事？你俾錯另一台客仲鬧我地？
侍應：入面仲有２條鯇魚依家整俾你３分鐘有得食（發悔氣）
我：仲等？你一時話有一時話冇，我等左成個鐘喇，你依家又同我講３分鐘，你知唔知自己講緊咩？
然後我地起身走。
期間亦有另一台客都因為等太耐同埋冇魚而走左。
我明白新開張操作難免會混亂，但服務態度好重要，餐廳令客人等左成個鐘都冇得食，唔好意思都冇句，仲要聲大大鬧個客唔配合佢地，完全唔怕得失客人。如果客人都沒有被重視的話，食物質素好極有限。自問一直好聲好氣，加上本人亦唔係走西客路線，做人本來就應該要互相尊重。但我咁大個人，第一次俾侍應無故鬧到餓住個肚咁走，實在令人難忘。
此餐廳，我終生不會再去。
Post