Video
Read full review
2023-09-14
394 views
今日收工約咗朋友去圍方行街，新商場果然又大又好行😃😃行到攰攰哋搵嘢食，不過圍方真係太多人排隊食飯，所以出咗去附近覓食！呢間位於田心村嘅烤魚店好近圍方，行過去都係幾分鐘路程，鋪頭座位舒適，抽氣系統都好好食完個身都無味👍🏻我哋叫咗海鱸魚試吓，上到檯真係嚇親，條魚好大條好厚肉，外皮仲要炸過，超惹味🤤🤤海鱸魚唔算好多骨，有啲位嘅肉仲要好厚，啖啖肉好正！調味揀咗麻辣中辣，麻香重唔會死咸加埋個爐一路熱住真係好好食，食食吓都不知不覺食晒成條魚🤭配菜仲有蓮藕、金針菇、芽菜同埋木耳，呢啲索晒湯又係好好味😋麻辣口水雞係我私心推介，好多肉，性價比一流，食熱辣辣嘅烤魚再配返個冷盤是必須的🤭呢間鋪頭嘅串燒都係店主推介，我哋叫左烤羊肉串，唔會好油膩夠羶味好正🤪🤪烤肥腸一定係重口味人士必叫，洗得好乾淨一啖咬落去爆晒啲油出嚟😍燒年糕就係煙煙韌韌，鍾意食呢隻質地一定要叫🥰🥰店主仲推薦我哋食佢自家製嘅酸湯水餃，但我哋真係太飽食唔落啦，唯有下次啦😎飲品就叫咗百香果益力多，酸酸甜甜好解油膩，啱晒食辣嘢嘅時候飲，超清爽🥸📍 尋味 (大圍)大圍田心村199號地舖
我哋叫咗海鱸魚試吓，上到檯真係嚇親，條魚好大條好厚肉，外皮仲要炸過，超惹味🤤🤤海鱸魚唔算好多骨，有啲位嘅肉仲要好厚，啖啖肉好正！調味揀咗麻辣中辣，麻香重唔會死咸加埋個爐一路熱住真係好好食，食食吓都不知不覺食晒成條魚🤭配菜仲有蓮藕、金針菇、芽菜同埋木耳，呢啲索晒湯又係好好味😋
麻辣口水雞係我私心推介，好多肉，性價比一流，食熱辣辣嘅烤魚再配返個冷盤是必須的🤭呢間鋪頭嘅串燒都係店主推介，我哋叫左烤羊肉串，唔會好油膩夠羶味好正🤪🤪烤肥腸一定係重口味人士必叫，洗得好乾淨一啖咬落去爆晒啲油出嚟😍燒年糕就係煙煙韌韌，鍾意食呢隻質地一定要叫🥰🥰店主仲推薦我哋食佢自家製嘅酸湯水餃，但我哋真係太飽食唔落啦，唯有下次啦😎
飲品就叫咗百香果益力多，酸酸甜甜好解油膩，啱晒食辣嘢嘅時候飲，超清爽🥸
📍 尋味 (大圍)
大圍田心村199號地舖
Post
