一盅點心

Open Now

Now Closed

長沙灣有間點心店，全日供應，手工製作，即叫即整，最近推咗個世一燒賣拼盤，集齊甜酸鹹辣，而且仲有個挑戰賽可以參加，詳情可以睇返佢哋嘅社交平台呀～ 燒賣拼盤包含12款口味，8款唔辣4款辣，有懷舊、鮑魚、鵪鶉蛋、蕃茄海鮮、爆汁墨魚、芫荽馬蹄豬肉、乾蒸牛肉、梅菜扣肉、花椒辣、麻辣牛肉、泡椒同黑椒墨魚，打卡able又好味。點心有分蒸、腸粉、煎炸、燉湯、主食、蔬菜同甜品。古法陳皮牛肉球，三大粒，牛味突出，帶點咬口、XO醬菜苗餃皮較厚但勝在餡料飽滿、香茜馬蹄牛肉腸，入口滑溜，性價比高。私心推介千島醬脆炸蘿蔔糕，四大塊，外層炸至酥脆可口，唔油膩亦唔粉，超有驚喜。魚翅灌湯餃湯底清甜、原籠馬拉糕十分蓬鬆，散發著淡淡香氣、爆餡叉燒包正常發揮，飽肚之選。