文興酒家 (大明里)

Open Now

Now Closed

英國紅到返香港嘅餐廳，最出名菜式係櫻桃鴨，用料講究，配上櫻桃汁，被譽為世上最好食嘅燒鴨之—，用餐期間都見有外國朋友專程嚟潮聖🎈櫻桃鴨拼文興叉燒皇櫻桃鴨鴨皮燒得脆身，鴨肉香濃肉質鮮嫩記住點櫻桃汁食，甜甜哋加上鴨肉肉香令味道更有層次叉燒皇肥瘦均勻，口感軟腍，少少肥肉入口即化，淨食定送飯都好正🎈是日例湯有紅蘿蔔粉葛、瘦肉，味道清甜，湯渣都好入味，食得出係落足料🎈太白花雕醉鮑魚醉鮑魚切成一片片方便分享，花雕酒香恰到好處，鮑魚爽口彈牙，同酒香好夾🎈特色酸菜沙巴龍躉以酸菜魚湯配沙巴龍躉夠矜貴，魚肉滑溜，湯底微辣帶點酸好開胃，材料豐富，有萵筍、雜菇、蓮藕等 🎈金沙琵琶豆腐呢道菜好考師傅功夫，每件豆腐都係金黃飽滿，裹滿香濃鹹蛋黃，香而不膩🎈文興招牌炒飯大大粒蝦肉、帶子等鮮香材料，加上炒香嘅櫻花蝦，整個配搭食得出好有誠意🎈中式心太軟面層雪燕配合杏汁好滋潤，中間係滑嫩燉蛋白，最後發現原來仲有桃膠，係個充滿驚喜嘅甜品