MX (中華總商會大廈) (Closed)

中環lunch時間真係好多人，有時想食個快飯，都係去連鎖快餐店🤭。呢間 MX都真係好耐歷史，其實我自己覺得連鎖快餐店之中，MX既燒味同中式飯係比較出色😚。所以我多數黎都係食燒味飯，今次又order 左個叉燒炒蛋飯 $45同埋 叉燒油雞飯 $46😋。不過有D奇怪明明都係叉燒，叉燒炒蛋飯D叉燒乾好多，無咩脂肪😅，炒蛋就唔錯，炒得啱啱好，加左菜甫同葱，所以增加左香味😍。叉燒油雞飯，D叉燒可能係燒味部出既，好食好多，帶少少肥，好甘香😆，油雞都好味，好滑同埋淡淡豉油香，真係唔錯。有時唔知食咩，簡簡單單食個快飯，MX都係幾好既選擇。