十二味 (如心廣場二期)

Open Now

Now Closed

周未，行行吓荃新天地一，二期，如心廣場，不知不覺行入咗一個從未到過的新商場，原來係如心廣場二期，真係背，幾時開咗都唔知，但呢度好多鋪頭同食肆，好熱鬧，同如心廣場一期相比，直情係天和地之分。見到『十二味』，醒起之前吃過第二間分店，印象唔錯，啲嘢平，靚，正，午市套餐仲唔使加一添。都係掃QR code入單，方便快捷，我哋嗌咗2個套餐，一個小食，一個冰粉。套餐之一酸菜魚，以一個68蚊午市套餐來講份量都唔少，魚肉又滑又嫩，咁已經超晒值喇，仲有酸梅湯送。另一個川式口水雞啲汁亦够味，雞塊就大舊咗少少，如果份量不減，整細舊啲就perfect。燒椒皮蛋同我喺四川吃嘅一樣好食，必定見一次吃一次。冰粉大大碗，够哂解辣，絕配。