Video
Read full review
2024-03-27
29 views
🍽️ 燒肉801~~~~~~~~~~~~~~~~~~~~~~~~~~情人節💌又黎到啦，想食好少少🤏，又唔想洗太多錢，碌碌下發現左呢間係尖沙咀嘅燒肉店，有唔同嘅燒肉套餐可以選擇🍖🟢 志盛 二人前（$498）🥩🍗 + $25生菜🥬Set👉 包含左六款肉，有牛，有豬，有雞😋👉 鹽味牛舌 - 牛舌大塊有咬口較為煙靭，尚算有口感，而鹽味亦都較為突出亦都好適合點帶有微甜嘅肉汁👉 黑毛和牛小排 - 和牛入口即溶，食落好鬆化，肉味濃啲會更好不過透過點肉汁可以彌補呢個缺少肉味嘅👉 黑毛和牛上肩肉 - 牛肉味濃郁，配搭生菜黎食，口感一流，雖然佢未去到入口即溶，但一啲都唔硬唔靭👉 極尚厚切牛胸腹柳 - 最大塊嘅牛肉味最濃郁，亦都好夠執水好Juicy，基本上唔使點醬汁都好夠味，必食😎👉 蒽鹽味雞腿肉 - 肉質尚算嫩滑，燒完亦都唔會太柴，食到肉汁👉 黑毛豚無骨小排 - 食得出用較重嘅鹽味去醃製突出個鹹味，如果怕鹹味較重嘅朋友可以試吓點過肉汁中和個鹹味，因為個鹹肉汁帶有微甜。不過亦有汁燒口味，但個人較喜歡鹽燒口味 風味較出👉 凡選購任何燒肉套餐都可以加錢去配一個set，加咗生菜Set，包左生菜同埋泡菜。將生菜包住燒
~~~~~~~~~~~~~~~~~~~~~~~~~~
情人節💌又黎到啦，想食好少少🤏，又唔想洗太多錢，碌碌下發現左呢間係尖沙咀嘅燒肉店，有唔同嘅燒肉套餐可以選擇🍖
🟢 志盛 二人前（$498）🥩🍗 + $25生菜🥬Set
👉 包含左六款肉，有牛，有豬，有雞😋
👉 鹽味牛舌 - 牛舌大塊有咬口較為煙靭，尚算有口感，而鹽味亦都較為突出亦都好適合點帶有微甜嘅肉汁
👉 黑毛和牛小排 - 和牛入口即溶，食落好鬆化，肉味濃啲會更好不過透過點肉汁可以彌補呢個缺少肉味嘅
👉 黑毛和牛上肩肉 - 牛肉味濃郁，配搭生菜黎食，口感一流，雖然佢未去到入口即溶，但一啲都唔硬唔靭
👉 極尚厚切牛胸腹柳 - 最大塊嘅牛肉味最濃郁，亦都好夠執水好Juicy，基本上唔使點醬汁都好夠味，必食😎
👉 蒽鹽味雞腿肉 - 肉質尚算嫩滑，燒完亦都唔會太柴，食到肉汁
👉 黑毛豚無骨小排 - 食得出用較重嘅鹽味去醃製突出個鹹味，如果怕鹹味較重嘅朋友可以試吓點過肉汁中和個鹹味，因為個鹹肉汁帶有微甜。不過亦有汁燒口味，但個人較喜歡鹽燒口味 風味較出
👉 凡選購任何燒肉套餐都可以加錢去配一個set，加咗生菜Set，包左生菜同埋泡菜。將生菜包住燒肉再加泡菜食，無得輸呀👍🏻
🟢 芝士鍋（$58) 🫕
👉 芝士控嘅🥚👩🏻🦰必點呀
👉 芝士味濃郁，既可以點肉又可以就咁食，如果可以多啲就好啦，唔夠喉啊🤭
🟢 888杏仁豆腐（$28）
👉 甜品好出色，杏仁味十分之濃
👉 甜度較偏甜 但都覺得好好味
餐廳以紅色佈置為主，坐位都好舒適。每次燒肉都好驚燒完一大浸味，但係呢間餐廳每一張枱都會有個抽氣嘅煙囪，可以減少咗個油煙味，而且係性價比高呀🥰
~~~~~~~~~~~~~~~~~~~~~~~~~~
🍽️ 餐廳：燒肉801 @yakiniku_801
📌 地址：尖沙咀加連威老道14號地舖
📍 位置：尖沙咀
Post
