火山燒 (Closed)

少來荃灣，難得同朋友食飯，就一定要食想試好耐的火山燒。最開心係可以share, 肉我地揀左肉味滿滿的封門柳，上菜時阿姨貼心的幫我們擋着錢出來的油，還有圍裙可以用。200g 望落都大大嚿，可以切到六舊，一邊剪一邊見到肉汁，四面煎晒封邊，一咬落去啲肉汁勁多，撈飯一流。主食叫咗蜆肉意大利雲吞，仲好抵加咗三款配菜做套餐，沙律同腸仔中規中矩，不過佢個湯幾特別，係蕃茄忌廉湯，好濃郁，就咁飲都唔差，但係我朋友拎嚟撈飯食竟然味道不錯。至於意大利雲吞就中規中矩，但啲蜆好新鮮。朋友話下次會想試下啲西冷，呢間既肉真係有質素。