豪園麵家

Open Now

Now Closed

今日係公司同事提起昨天去飲喜宴食炸子雞唔好食，我知黃大仙豪園麵家的炸子雞超正，放工就帶同事過嚟試吓！每款主食都會送老火湯，小菜更配白飯。金牌炸子雞半隻，炸子雞的皮脆肉嫩，肉質肥美軟滑，雞皮經油炸後雞皮仍舊鬆化薄脆，同事大讚好食過啲酒樓。鮮蝦雲吞撈麵，雲吞裡頭都包有一隻鮮蝦，皮滑鮮蝦爽，麵撈左蠔油彈牙又有蠔油嘅鮮味。鳳城水餃麵，水餃大隻足料，有蝦、冬菇和木耳，十分爽口，麵亦彈牙。朋友見到水餃超正，忍唔住叫多碗浄水餃食。