石一燒 (九龍城) (Closed)

今晚去了一個新餐廳搵食，雖然這個區通常都係食泰菜，但係出現了間食石燒嘅新店，喜歡日系石燒嘅我當然入去享受石燒感覺！我就點了個美國頂級(Prime)牛小排（一人前）套餐，包了份美國頂級(Prime)牛小排、沙律、櫻花蝦味噌湯、菇盛會、飯素，日式甜品等都算完整😊最先上了個麻醬沙律，上面還有鰹魚片，入口清新！櫻花蝦味噌湯，確實十分足料大量櫻花蝦放滿了味噌湯中，湯中味噌入口更鮮味！主食美國頂級(Prime)牛小排上枱時跟上了一塊用火燒住嘅石板上枱，牛小排上嘅雪花紋理清晰，一放在熱燙燙嘅石板上，小牛排好快就熟了，反多一下在石板上燒多一會，入口配埋個飯素進食就剛好，唔會覺得油膩，加埋石板上燒得香香嘅燒洋蔥，個種口感牛小排味道真係超滿足！同時間亦將菇盛會內的野菌放在石板上慢慢燒，吸收了牛脂嘅味道，野菌份外香軟入味！而慢慢燒加上大大碗嘅白飯，真係會令人覺得滿足！最後個雪糕上加埋香濃綠茶，香濃茶味入口甘香之餘，冰凍香滑雪糕個種只容化在口中感覺都十分完滿！埋單出門口前店員亦溫馨細心提示有除味噴霧以供使用👍🏻