Video
Read full review
2024-02-01
179 views
🍊 餐廳名稱：柞木炭家 (銅鑼灣)🐝 味道：8.5/10環境：8.5/10整體分數：8.5/10💰人均：$500+———————————————————想試呢間燒肉好耐架啦，適逢佢地推出咗個季節限定套餐，把心一橫去試試佢！春之石海鮮盛饌 💰1088成個餐有海鮮，仲有和牛同埋五花肉，另外仲有附加一個主食同甜品，性價比真係好高！前菜分別有一半韓式料理會食到嘅之外，呢個餐仲有海膽豆腐。造型上好特別，將啲海膽豆腐鋪上紫菜到加埋青瓜一齊食，口感豐富而且海膽味道突出。之後就係熱石海鮮拼盤，店員首先會將啲熱石放喺個爐上面燒熱咗佢先，之後就會放海鮮喺上面透過熱石嘅熱力平均煮熟，咁就唔會出現啲海鮮熟得唔均勻嘅情況出現。成個拼盤嘅份量都好多，有鮑魚扇貝沙白同貴妃蚌，好新鮮好好味。肉方面當然唔少得，有柞木壽喜燒和牛&牛小排拼醬油五花肉！壽喜燒和牛大大塊，油脂分布平均，連埋蛋漿包住飯團一齊食，另類壽喜燒食法！牛小排同五花肉都燒得好惹味，仲可以配埋佢哋附送嘅黑松露或者明太子一齊食。主食有嚴選赤身蝦肉石燒飯或者人蔘雞湯揀，咁我哋選擇咗前者。你用石頭鍋嘅熱力整熟蝦肉同埋和牛，不單止唔會令到佢哋過熟影響口感，仲可以k
味道：8.5/10
環境：8.5/10
整體分數：8.5/10
💰人均：$500+
———————————————————
想試呢間燒肉好耐架啦，適逢佢地推出咗個季節限定套餐，把心一橫去試試佢！
春之石海鮮盛饌 💰1088
成個餐有海鮮，仲有和牛同埋五花肉，另外仲有附加一個主食同甜品，性價比真係好高！
前菜分別有一半韓式料理會食到嘅之外，呢個餐仲有海膽豆腐。造型上好特別，將啲海膽豆腐鋪上紫菜到加埋青瓜一齊食，口感豐富而且海膽味道突出。
之後就係熱石海鮮拼盤，店員首先會將啲熱石放喺個爐上面燒熱咗佢先，之後就會放海鮮喺上面透過熱石嘅熱力平均煮熟，咁就唔會出現啲海鮮熟得唔均勻嘅情況出現。成個拼盤嘅份量都好多，有鮑魚扇貝沙白同貴妃蚌，好新鮮好好味。
肉方面當然唔少得，有柞木壽喜燒和牛&牛小排拼醬油五花肉！壽喜燒和牛大大塊，油脂分布平均，連埋蛋漿包住飯團一齊食，另類壽喜燒食法！牛小排同五花肉都燒得好惹味，仲可以配埋佢哋附送嘅黑松露或者明太子一齊食。
主食有嚴選赤身蝦肉石燒飯或者人蔘雞湯揀，咁我哋選擇咗前者。你用石頭鍋嘅熱力整熟蝦肉同埋和牛，不單止唔會令到佢哋過熟影響口感，仲可以keep住個飯熱辣辣咁食！
甜品係焦糖布甸配焦糖烤香蕉，好有驚喜，食埋呢個非常滿足！
最值得加分嘅位係店員會全程幫你燒，真係名副其實嘅飯來張口！
🗺️ 銅鑼灣記利佐治街1號金百利廣場3樓301號舖
🚆 銅鑼灣站E出口
Post
