Video
Read full review
2018-06-12
2479 views
呢排熱辣辣，無咩胃口，想食啲清清地的餸菜，就諗起佢了～未轉做素食分子前已經成日幫襯架啦，到轉左手後就好耐無黎過啦，當然要支持下啦。午市自助餐$78一位，估唔到會咁爆滿，我地一行3人被安排坐左在最裏面的位置。雖然離自助餐桌有點遠，不過靜靜地，無咩其他人騷擾，唔錯！第一次黎新店，梗係樣樣都要試下啦，粟米好清甜，茄子入味得黎仲保持到口感，唔會爛蓉蓉，仲個涼食豆腐，夏天食清清涼涼真係好清新。食材雖然簡單，但整得好食唔易，睇得出師父真係有返啲料！除左涼食，都有唔少其他的款式選擇，有齊中西日式食物，冷面點心沙律壽司，真係估你唔到仲有泰式串燒，包羅萬有。每次行出去拎食物，都好似會發現到新菜式。雖然話係全素，唔怕食到肉。不過唔知係咪菜式太多，有時真係唔知自己食緊啲咩。呢個望落似腐皮卷，但又嚐唔出入面係咩，我覺得如果餐廳可以在每碟餸掛個牌仔話比人知呢碟係咩嗰碟係咩，會更加好，至少唔會走嗰刻都唔知自己究竟食左啲咩。除左前菜，主食，任飲豆漿，原來仲有湯水同糖水架，呢鍋係霸王花金笋靚湯。我就試左雪耳海底椰糖水。雪耳十分足料，但略嫌有點過甜。臨走之前，又比我再發現有新菜式本身以為普通炸薯波，點知內藏驚喜。一咬開
第一次黎新店，梗係樣樣都要試下啦，粟米好清甜，茄子入味得黎仲保持到口感，唔會爛蓉蓉，仲個涼食豆腐，夏天食清清涼涼真係好清新。食材雖然簡單，但整得好食唔易，睇得出師父真係有返啲料！
除左涼食，都有唔少其他的款式選擇，有齊中西日式食物，冷面點心沙律壽司，真係估你唔到仲有泰式串燒，包羅萬有。
每次行出去拎食物，都好似會發現到新菜式。雖然話係全素，唔怕食到肉。不過唔知係咪菜式太多，有時真係唔知自己食緊啲咩。呢個望落似腐皮卷，但又嚐唔出入面係咩，我覺得如果餐廳可以在每碟餸掛個牌仔話比人知呢碟係咩嗰碟係咩，會更加好，至少唔會走嗰刻都唔知自己究竟食左啲咩。
除左前菜，主食，任飲豆漿，原來仲有湯水同糖水架，呢鍋係霸王花金笋靚湯。
我就試左雪耳海底椰糖水。雪耳十分足料，但略嫌有點過甜。
臨走之前，又比我再發現有新菜式本身以為普通炸薯波，點知內藏驚喜。一咬開，黑松露的香氣撲鼻而上。
最後，呢間餐廳真係每行一步都有新發現。賣左單又比我發現，餐廳原來在父親節當天有個晚會，仲比佢請到我爸年代的歌星來助慶，即係個天都叫我父親節帶阿爸黎食飯啦？
Post
