綠色素食份子 (Closed)

同朋友一行4人去北角揾野食，堡壘街有兩間素食自助餐，呢間做緊活動：4人行，3人價。平晚$110/位，假期$130/位。 活動價，計落每人$82.5 全包。 而且食物質素，我覺得比另一間好，有沙律，炸物，熱盤同包打邊爐，加上有豆槳，同洛神花茶，真心好食良心價，值得介紹。 下次會再幫襯。 推薦：湯：暖笠笠藥膳湯沙律：麻辣海珊瑚草炸物：南瓜餅，五香炸蕃薯熱盤：菠蘿素咕嚕肉，炒米粉甜品：馬蹄糕，奇亞籽糕飲品：洛神花茶

上網睇介紹，專登搭車黎北角試下，食客年齡偏向成熟和長者，正當我準備到buffet 位置取食物時，見部份長者拿剛吃完食物的碟，再重複到bufet 位置取食物 在共用的乾淨的食物夾沾染在她剛吃完東西的食物碟上 (碟上有她的廚餘）。。。本身有胃口，變成無胃口。。我再向當值店員查詢，她回覆可以用原來的碟重複取食物。。。。 令人吃驚的回覆。。。超級扣分位

上嗰月食過，覺得吾錯，今晚再黎食，6:15 左右到，人客不太多，可以因為三號風球和大雨嘅關係。豆漿夠凍又有豆味，酸齋、醋蘿白好醒胃，麻辣冷麵味道適中加左少少青瓜絲，煎蘿白糕就比較硬身可能粉太多，炒烏冬、炒飯、炒菜芯和菜粒煎旦都有點獲氣，煎豆腐豆味也濃加左少少汁都幾好食，馬蹄糕系凍食好彩吾太甜，素薄餅就可能凍左所以個餅邊有啲奀。鮮菠蘿咕嚕肉d菠蘿好甜素肉就炸到外脆內軟，好食。$170/2位（在 openrice 買餐券），久唔久食下，當清下腸胃，都ok 嘅。

之前去隔離無肉食食完行過，見到這裡都幾旺，所以今晚嚟試吓，買了優惠券，$85/位。6點半左右到達，人不太多，首先飲品方面，有d選擇，凍豆漿吾太甜幾好，山楂洛神花茶就比較淡，綠豆沙就一般般。食物方面，炸麻薯軟餅外脆內軟，素薄餅細細件，醋蘿白好入味，馬蹄糕幾清甜，麻醬冷麵醬汁豐富，酸齋好醒胃，素菠蘿咕嚕肉用上新鮮菠蘿而且d素肉像真度極高所以好好食，佢地嘅炒菜芯、椰菜花、上湯娃娃菜也不賴。比較一般嘅就系素春卷，炒米粉好硬好乾，炒飯就冇乜味。相對隔離，覺得這裡比較出色。

好耐無去北角食素，今次再揀返綠色素食分子，帶咗個好少食素嘅朋友去食午餐，收費每人都只係$70，而且又唔收加一，一樣都係90分鐘時限。我哋一攞咗個位，坐低就獲派每人一隻膠手套，然後就戴住口罩，出去攞嘢食。而我最鍾意就係食熱盤嘅素菜，炒得好好味，好有鑊氣，中湯亦好好飲，無味精，味道又唔會太鹹，仲見到有好多煎炸食物，仲有一款pizza及沙律，飲品有水、茶、豆漿等嘅選擇。總結：感覺熱盤食物款式選擇比以前少咗，煎炸嘢食反而多咗，值得一讚係桂花糕好好味，整體嚟講，係抵食嘅！

依家出面食齋菜都唔平㗎⋯⋯每一個餸都要＄80至$90.1個！而家介紹一間非常超值嘅素食自助餐！價錢實惠而且又有很多選擇⋯⋯🫑🫑綠色素分子🫑🫑餐廳有炸物丶冷盤丶熱食丶湯類丶Pizza丶甜品🍮仲有飲品添⋯⋯佢嘅炸物仲係熱辣辣添⋯⋯非常鬆脆😋馬蹄糕桂花糕都好好味⋯⋯佢仲有豆漿飲任飲我就最鍾意啦⋯⋯

而家食齋非常流行，一來係為咗自己嘅身體着想二來可以減碳排放😍我其實每一個月食四日齋菜😬喺OpenRice嗰度睇到有呢一間嘅🥬🌽綠色素分子🌽🌽餐廳樓底好高，非常舒服，食物質素非常高，價錢又超值🙆‍♀️佢嘅炸物尤其春卷非常鬆脆👍款式又多😋冷盤都好好味🙆‍♀️又有熱盤又有湯丶甜品🍮、仲有飲品添⋯⋯服務質素非常高，原來午市都有自助餐非常超值一定會再去！所以下個禮拜已經約埋我老公嘅屋企人一齊去食

过年期间，他们休息至初七才开门营业。今天去的时候刚好是开门的第二天，仍然是供应自助餐，可以吃一个绿色的午餐。用餐时间是90分钟，比无肉食的75分钟长一点，午餐价格仍然是70元，绝对抵食。到达时不是最繁忙时段，客人不多，很随意就选了一个靠墙的位子。虽然是素食餐厅，他们供应的食品确是够多。单是煎炸食物已经有十多款，最好吃的是炸芋头角，馅料是芋蓉，吃时阵阵芋头香味，我一个人已经吃了差不多十个。另外，沙律和热食也不少，而且补给得很快，基本没有看到空的盘子的情况。他们的菜式很丰富，70元的素自助午餐绝对高性价比，要挑剔的是水果没有选择。

今日嚟北角有事，順便食埋晏晝。之前食過素食自助餐，而家去隔離間舖試下。入到去，見裝潢清雅，地方幾企理，服務員態度友善，衛生做得不錯，坐低會俾個膠手套你戴住取食物。除咗自助午餐，重有個週末午餐選擇，加十二蚊重可以食沙津及炸物、冷盤、鹹甜糕點，感覺幾抵食。呢處食物種類唔算多，種類同質素跟隔離間素食餐廳相比重差啲，但我貪呢處人唔多，環境清静，唔駛同人爭。炸物得幾樣，剛剛炸起重熱辣係好食，擺放一陣好快凍咗就變軟同靱，唔持久。整體嚟講，呢度食物屬於不過不失，但勝在員工服務態度幾好，任我坐到幾時都唔會趕客

性價比相當高！每款食物的賣相和味道都非常好！且不時會轉款！😋😋😋比之前的素食分子有了很大的改善！店員服務態度都非常好，光顧當晚是星期三，用膳時限應是90分鐘的，我們坐多了半小時傾談也沒有被趕 - 當然時限到了我們就沒再出去取食物 😉 食肆要做生意的，我想是當晚客人不多才有此優待，不保證其他時段如是😉用OpenRice 優惠平日晚市成人是$85，星期五、六、日、初一、十五也只是$100，非常超價！即使原價也只是$90 / $110。店長說這年是飲食業寒冬，希望大家都能多支持良心小店繼續經營！🙏🙏🙏由於沒有相機先吃的習慣，我在臨走時9pm 後接近收市時才拍的，因此有些食物沒有添滿免浪費😉

帶屋企人去食，大家都話好味，食物質素唔錯，下次會再去。 （聽到隔離檯都大讚食物好味） 職員服務態度很好，很親切，食物補充得快，夠新鮮，薯條都係脆卜卜，老公話水果好甜，炸物也很好吃

早排因為撞正素食日 所以就係網上搵到依間素食自助餐價錢方面同旁邊的素食自助餐一樣 但食物感覺比旁邊那間少 個人認為唔抵 可能佢係貴係裝修上吧 因為防疫問題 枱面會放置手套 出去拎野食時需帶口罩 而食物方面 枱面隔離膠板上會有個QR code 可掃描睇下有咩野食食物方面 有如一般素食自助餐 會有沙律 頭盤小食 熱食 湯 糖水甜品 同飲品， 不過依間既食物種類比其他既少 湯類及糖水只有一款 而飲品方面只有3款：水、熱茶、凍水，洛神花茶 個人覺得洛神花茶是值得一試 味道酸酸地 真材實料不過有啲失望既係冇雪糕雖然見到網上有人打有分子雪糕 但唔知係因為擺得好隱蔽定點 我地係搵唔到係邊😅 以依個價錢黎講其實真係唔係好抵 不過食物refill得都叫快

8:15 入席 店員話係宵夜時段😅我地問有咩唔同佢答 冇咩唔同係價錢平啲盛惠$70/位佢地要求客人出去拎野食要戴口罩（正常）同埋戴膠手套（汗）個人認為戴左手套仲唔衛生⋯⋯⋯⋯不過見啲人都冇乜點跟嘅職員又冇咩要求 滿心歡喜夾左一碟返埋位一食就發現啲野食係凍的似冷飯菜汁 8:35左右突然被告知last order心想明明自助餐last 咩order 睇一睇佢營業時間明明係到10:00⋯⋯跟住啲職員就開始喺我地面前清野將淨返果啲倒埋一盤 俾佢倒完之後 見到都唔開胃俾左$70 最好食係炒飯同炒烏冬丫 仲有哈蜜瓜

在北角附近收工後，又想起想食些素，等待朋友來臨後，朋友建議去「綠色素食分子」食自助晚餐，原因就是可以食物選擇多，又可以量自己的份量及口味，喜歡食多或少也可以，幸好今日餐廳都不算好多人，服務員服務都好細心，給我椅櫈擺放手袋。每位的價錢是晚$110，可以在餐前或用膳後付款都可以。環境都好寧靜舒適，四周的裝潢都讓人感覺舒適，牆身有魚的裝飾，也有觀音菩薩的神像，內有一個小佛堂，也有心經的掛畫，牆身都有一些綠色的植物，仿如進入了一片寂靜的空間，餐廳的中間位置是自助餐區，客人可以自行拿餐具，再以自助形式自行拿食物。自助餐有沙律之外，種類方面分成都有冷盤、熱葷、小食、湯水、糖水、飲品等.......飲品有自家制洛神花茶、柚子水、豆漿、熱茶等......擺盤的食物真是多，素食都多元化，讓我現在介紹下有什麼，小食方面都超過廿幾款，例如冷盤有沙律菜、壽司、冷麵、紅菜頭、珊瑚草、自家醃白蘿蔔、涼粉、西瓜、哈蜜瓜、桂花糕等......，而熱盤小食有春卷、紫薯煎堆、燒賣、薄餅、薯條、煎豆腐、蘿蔔糕、印度薄餅、八寶飯等.....熱爐中的菜式都不少，喜歡食些小菜都不妨多吃一些，是日湯水有牛肝菌忌廉湯及霸王花羅漢果木

每隔一段時間，都會想食下素，今次約咗朋友去北角堡壘街嘅素食分子食素食自助午餐，自助餐十一時半開始，九十分鐘任食，我地準時去到，門前已經有唔少食客排隊，好彩仲有座位，餐廳光猛濶落，中間擺咗兩行唔同製法嘅素食。雖然係素食，但都有中西式、炸物、包點，沙律同甜品，仲有齋湯同山渣茶，選擇都幾多，每款試少少，都已經夠哂飽lar😅咁多款食物，炸物我覺得餃子同炸雲吞最好食，pizza餅底十分脆身，饀料用茄汁同椒絲，瓜菜類都唔錯，夠新鮮，粉麵又唔會太鹹😋,而煎堆同薄餅則油膩咗D，同比較黏口，馬蹄糕爽口，有粒粒馬蹄，好食👍🏻，山渣茶微酸，生津解膩☺️