Video
Read full review
2013-11-25
139 views
早前約一位居住西環既好友, 到了Clay Oven吃印度菜, 開頭都擔心有會言語不通, 估唔到職員既英語水平咁高, 仲不停介紹食物俾我哋一坐低已經好口喝, 所以叫咗杯芒果酸奶, 芒果酸奶味道好好, 聽講係由新鮮芒果茸及乳酪混合而成, 味道酸甜適中, 飲既時候感覺好順喉, 而且仲有D芒果肉粒係裏面之後再嚟一個餐湯 - 忌廉蘑菇湯, 呢個湯係用鮮忌廉打成, 而且非常足料, 每一湯匙都有粒粒既小蘑菇粒, 飲既時候口感都幾滑, 而且味道好濃稠, 一D都唔會糊口, 亦唔會覺得『杰撻撻』, 唔錯!!唔錯!!朋友話一定要試試呢喥既羊肉, 就點咗個什果羊肉嚟試試, 羊肉炆煮得很軟身, 唔會有粗糙的口感, 但我覺得羊肉有D"酥"味, 所以只係食咗好少, 反而個汁我覺得幾好味, 甜甜地, 有肉香, 而且仲有好多什果, 所以專登叫多個蒜茸烤餅點嚟食燒餅送上嚟既時候勁香, 而且熱辣辣, 食既時候口感好QQ, 就算點醬汁嚟食, 燒餅都唔會變淋, 不過, 個餅底就有D燶, 所以食既時候, 我就會將燶既部份撕走驚唔夠飽, 點多個印式蝦炒飯, 呢個印式蝦炒飯辣味好足, 成個飯都充滿住濃濃既咖喱辣香, 我數過飯入面有a
一坐低已經好口喝, 所以叫咗杯芒果酸奶, 芒果酸奶味道好好, 聽講係由新鮮芒果茸及乳酪混合而成, 味道酸甜適中, 飲既時候感覺好順喉, 而且仲有D芒果肉粒係裏面
之後再嚟一個餐湯 - 忌廉蘑菇湯, 呢個湯係用鮮忌廉打成, 而且非常足料, 每一湯匙都有粒粒既小蘑菇粒, 飲既時候口感都幾滑, 而且味道好濃稠, 一D都唔會糊口, 亦唔會覺得『杰撻撻』, 唔錯!!唔錯!!
朋友話一定要試試呢喥既羊肉, 就點咗個什果羊肉嚟試試, 羊肉炆煮得很軟身, 唔會有粗糙的口感, 但我覺得羊肉有D"酥"味, 所以只係食咗好少, 反而個汁我覺得幾好味, 甜甜地, 有肉香, 而且仲有好多什果, 所以專登叫多個蒜茸烤餅點嚟食
燒餅送上嚟既時候勁香, 而且熱辣辣, 食既時候口感好QQ, 就算點醬汁嚟食, 燒餅都唔會變淋, 不過, 個餅底就有D燶, 所以食既時候, 我就會將燶既部份撕走
驚唔夠飽, 點多個印式蝦炒飯, 呢個印式蝦炒飯辣味好足, 成個飯都充滿住濃濃既咖喱辣香, 我數過飯入面有at least 8隻大蝦, 而且蝦肉勁彈牙, 好好味呀
食咗咁多肉, 叫番個菜嚟食先, 白汁時菜係由不同既蔬菜結合而成, 包括有菜心, 西蘭花, 椰菜等等, 而且口感很爽脆, 味道都好清新, 所以將之前濃味食物調節一下口味
埋單時, 經理送咗一個小糖果盒上嚟, 話俾大家清除口腔既咖喱味, 個果盒好特別, 除咗有咖啡糖外, 仲有冰糖粒及香草等等, 好有新年氣氛~
Other Info. :
總括嚟講, 我覺得Clay Oven 都算食得過, 一嚟價錢唔貴, 二嚟職員都幾nice, 其實我朋友唔係好食得辣, 所以係落訂時, 都問經理可唔可以將個味就一就, 唔好咁重手, 經理竟然話無問題, 餸菜上到嚟味道真係啱啱好, 大家都食得好開
(The above review is the personal opinion of a user which does not represent OpenRice's point of view.)
Post
