永合成餐廳餅店 (Moved) New Location

星期二的下午，雖然天氣好似暖暖地，但都想吃吃煲仔飯。記得同事說過這裡有焗煲仔飯，所以來試一試。兩點幾到來人也不算十分多，照觀察所見有超過一半客人係叫煲仔飯，應不會太差卦？叫了鴛鴦腸飯，呢度標榜焗爐焗煲仔飯，話熱力滲透更平均咁話。等了十幾分鐘，飯上檯，飯香撲鼻，係唔錯。煲仔飯份量足夠，開餐後加了少許醬油，飯是煲得不錯，但比較下我還是喜歡真正的炭燒煲仔飯，果種炭燒風味係無可替代的。雙腸都偏肥，當然以潤腸較滋味。食埋煲底的飯焦，價錢三十四蚊，加杯涷鴛鴦都不用五十蚊，算幾抵食。埋單果陣見到老闆在放涼一底底蒸熱的芋頭糕，原來這裡都有自家製的蘿蔔糕同芋頭糕的，遲D買返去孝敬下同事先。