新堡餐廳

Open Now

Now Closed

約左朋友食飯, 朋友在灣仔區工作, 話佢去開一間西餐廳食焗豬扒飯好正, 想帶我去試下。LUNCH時間一入去已經滿座, 好彩朋友早到已經攞左位。新堡係間舊式西餐廳, 我地叫了兩客豬扒飯套餐, 跟餐奉送餐包、湯及餐飲, 每位$77, 好抵食!焗豬扒飯好大份, 豬扒大大塊, 上面仲有一層厚厚的蕃茄芝士醬汁蓋面, 一睇就知有料到! 果然, 豬扒又嫩又多汁, 蕃茄芝士醬汁好香又夠多, 啖啖飯都有汁送飯, 好滿足! 原本因為朝早食左個大早餐仲未消化完, 一心諗住食唔哂就打包當晚餐, 但…原來我太睇小自己, 竟然食到一乾二淨, 捧住個大肚腩走 😆😆服務方面就一般, 伙記落完單又唔記得, 重覆左幾次, 而且一食完伙記即刻收餐具, 感覺好趕, 明明冇客人排隊又叫你賣單先, 個FEEL好唔WELCOMING，有待改善。