Video
5-min walk from Exit A2, Wan Chai MTR Station
continue reading
Telephone
25293938
Payment Methods
Number of Seats
30
Other Info
Spot payment
Above information is for reference only. Please check details with the restaurant.
Review (79)
有晚開OT，去買左個焗豬扒飯返公司食，味道喜出望外👍🏽👍🏽👍🏽好有小時茶餐廳既味道，啲蕃茄汁好味，不過略微偏酸，勝在夠多汁送飯，上面有少少焦香既芝士，啲豬扒又夠腍，仲切開埋一條條，方便食飯😋😋😋又係炒飯底，下次可以再試埋其他飯
continue reading
已經唔係揀lunch Time peak hour時間去買外賣，去嗰時只有我一個人買，前面又有一個人，講到明要焗豬扒飯，凍檸茶，白湯，亦都見到外賣個男人好似好有心機咁記低再同廚房講焗豬扒飯要等3到5分鐘，咁我都照等，然後出到嚟除咗焗豬扒飯俾啱之外，凍檸茶佢俾咗熱檸茶，白湯佢俾咗紅湯，簡直不能接受⋯又唔係繁忙時刻，我係純粹廣東話落單，又冇人排隊咁簡單嘅嘢都可以做錯⋯希望AI快啲取代呢個夥計⋯差評
continue reading
餐湯配蒜蓉包蒜蓉包，焗香脆，應該是即焗，蒜油味足，令人口味無窮。羅宋湯很一般，沒有特別，稱為蔬菜湯更貼切。豬扒飯$70 芝士足，有奶香，不太鹹，焗得剛剛好，有點焦香，蕃茄醬偏酸，以蕃茄醬為主，不太看到其他配料，豬扒厚切，還切好一條條，方便進食。豬扒厚切鬆化，吃到肉的質感。雖然豬扒的做法也是用炸的方式處理，但她沒有因為沾了太多粉漿去炸，導致厚粉漿遇上醬料而出現的淋爛豬扒皮的問題。唯一是她的炒飯底炒得不夠香，沒有蛋香，但是夠乾身。她也是難得一間有熱辣辣的焗飯的餐廳，因為通常吃這些焗飯，廚師可能怕焗得太久，會令舖面的芝士燶掉，所以很多時候出餐時雖然看到冒煙的焗飯，但其實豬扒和飯也只是微温甚至是室温，而這家扒房的出品則沒有這個問題。雞扒沙律$友人口痕點的沙律是凍盤，雞扒不嚡，肉算嫩，沙律是罐頭水果拌沙律醬，青瓜和蕃茄仔算新鮮，但也是想不到要點的理由，只當過場吧肉醬意粉滿滿芝士和肉醬，和焗飯一樣，芝士有奶香不太鹹，且焗得剛剛好，有點焦香，果然焗功一流。意粉軟硬度剛好，有點咬勁，不是低質發脹意粉，滿滿的肉醬很掛麵，味道不太濃，吃到肉味，還有拉絲效果。
continue reading
灣仔好多呢啲有歷史嘅餐廳，新堡裝修亦充滿懷舊氣息。聽聞晚餐唔太多人，但平日嘅lunch hour係滿座，而且餐廳外面有個專招呼外賣的檔口仔，好有效率係蒜蓉包，唔係餐包，凍左少少唔夠脆；羅宋湯好濃，少少酸幾開胃。侍應好親切，仲介紹我食F嘅慢煮澳洲牛柳餐，試下揀左配薯菜。牛柳肉質地好淋，估佢唔到幾好味！！裡面嘅肉我估大概七成熟，唔知關唔關慢煮事，所以落單時無問呢？如果係medium更好。午餐係有加一嘅服務費，今日$98+10%，食扒性價比幾高。灣仔lunch真係人多d，可以做到兩round：12pm & 1pm，食飽都唔敢坐得耐。
continue reading
今日晏晝同同事去左灣仔新寶餐廳雖然少貴但唔緊要啦得閒返工都要食好啲我就點左份西冷牛扒餐，肉質好鮮嫩，口感唔錯，晏晝都食到啲算高質既牛，唔錯唔錯👍🏻👍🏻不過呢蒜蓉包係凍既，有啲失望。希望餐廳能夠注意到呢個小細節。忌廉湯方面，味道係有啲淡。價錢方面呢，呢餐就食左我$90幾蚊，我差唔多可以食到三餐雞飯啊😭😭😭但係佢個牛都真係幾好食，就算啦，但係蒜蓉包同埋忌廉湯就真係要改善下都係果句返工間唔中都要對自己好啲回頭率：50%
continue reading