Video
Read full review
2015-04-16
389 views
成日經過見到海報自家製鮮茄焗豬扒飯，張相影同靚想黎試好耐架喇！無耐冰室只開半日唔做晚市，放工返到上水都已經收皮，要放假先黎到囉。首次幫襯，居然連茶餐廳都要攞號碼飛等位囉，呆企門口討厭。原本有張兩日枱門口位，想熱死我咩，又人來人往，No 喇！等多 10 分鐘終於有裡面位，但非常迫夾，方枱只一個身位，大隻啲都同隔離膊貼膊，莫講條路仔。厚奶油包又唔錯喎，好軟墊！奶油又夠多好香口，無搵笨！連我平時走包唔食既都全部食晒。炒鮮奶滑蛋，真係有加鮮奶的嗎？但食唔出。標明新鮮本地農場雞蛋，蛋味特濃，味道真係有啲唔同，好味喎！有蛋汁都幾滑，可以再炒得嫩口啲，加分。火腿如果可以燙一燙就更好啦，會更香口。鮮牛出前一丁，menu 寫住早餐十一點前，點知阿姐話依家兩點半都有得食，平幾蚊囉，多謝晒。砌得好靚，賣相一流，值得讚吓！溫度只屬暖溫，並不是熱騰騰出晒煙上枱，再試啖先，好明顯係一早煮好個麵底，有 order 就加湯出貨，同即叫即煮既味道同口感差得遠啦，食落麵質嚥嚥韌韌都唔算太腍，而鮮牛幾好，味清香有咬口，無乸得過份，合格。試埋您個辣椒油，麻麻地，算啦。鮮茄焗豬扒飯，招牌野喎！終於試到焗豬扒飯，但非常平凡普通加
成日經過見到海報自家製鮮茄焗豬扒飯，張相影同靚想黎試好耐架喇！無耐冰室只開半日唔做晚市，放工返到上水都已經收皮，要放假先黎到囉。
首次幫襯，居然連茶餐廳都要攞號碼飛等位囉，呆企門口討厭。原本有張兩日枱門口位，想熱死我咩，又人來人往，No 喇！等多 10 分鐘終於有裡面位，但非常迫夾，方枱只一個身位，大隻啲都同隔離膊貼膊，莫講條路仔。
厚奶油包又唔錯喎，好軟墊！奶油又夠多好香口，無搵笨！連我平時走包唔食既都全部食晒。炒鮮奶滑蛋，真係有加鮮奶的嗎？但食唔出。標明新鮮本地農場雞蛋，蛋味特濃，味道真係有啲唔同，好味喎！有蛋汁都幾滑，可以再炒得嫩口啲，加分。火腿如果可以燙一燙就更好啦，會更香口。
鮮牛出前一丁，menu 寫住早餐十一點前，點知阿姐話依家兩點半都有得食，平幾蚊囉，多謝晒。砌得好靚，賣相一流，值得讚吓！溫度只屬暖溫，並不是熱騰騰出晒煙上枱，再試啖先，好明顯係一早煮好個麵底，有 order 就加湯出貨，同即叫即煮既味道同口感差得遠啦，食落麵質嚥嚥韌韌都唔算太腍，而鮮牛幾好，味清香有咬口，無乸得過份，合格。試埋您個辣椒油，麻麻地，算啦。
鮮茄焗豬扒飯，招牌野喎！終於試到焗豬扒飯，但非常平凡普通加失望，大快活仲好味百倍，連駿明苑都比唔上。賣相一流，真係好靚。完全被芝士覆蓋，奇怪地香味欠奉，冷氣太大所以聞唔到？主角焗豬扒，乸過既豬扒無好感，口感鬆軟腍劈劈而味道一般，醃得清淡無咩味道。
Hea 炒飯，無色又無蛋香，蛋碎都幾乎搵唔到。鮮茄係新鮮好味既，但個鮮茄汁完全唔掂，味道淡而單調，洋蔥味較嗆，炒飯豬扒茄汁芝士都太淡口，同醫院 canteen 不相伯仲，隔離枱位四眼 uncle 直頭要求比豉油佢添！食焗豬扒飯要撈豉油真陰功！不過吹咩，我日日都爆場排長龍，您話知我啦！
Post
