皇牌冰廳 (砵蘭街)

Open Now

Now Closed

呢個星期六我地去左行油尖旺一帶，行到腳仔軟，又開始肚餓，搵間餐廳食野。見到有間茶記，差不多４點，都仲係爆場咁，睇黎應該好受歡迎，於是食呢間啦，可以休息一下。一坐底睇餐牌，叫左兩份焗飯。焗薯仔咖哩雞扒，焗豬扒飯。因為好似好多人叫，我地都唔執輸，叫埋一份。等左約十五分鍾，終於來到了，焗野係要等，咁先顯得新鮮即焗。焗薯仔咖哩雞扒，呢個就麻麻地啦，因為咖哩唔係辣個種，飯係無炒底，同埋雞扒有Ｄ咸，唔知係咪醃個陣重手左。不過焗豬扒飯又幾好味，無雞扒咁咸，飯都係無炒底，但豬扒真係幾脆，番茄配合得幾夾，而且又唔肥。價錢兩個合共＄８７，而份量下午茶黎講都算飽既。