Via Tokyo (Closed)

焙茶雪糕茶味好出，有茶香帶輕微苦澀，食到有微粒，應該係茶葉碎之類的。唔算太甜，質感軟滑，溶得都算快，影相要快啲手～抺茶雪糕茶味相較焙茶冇咁出，牛奶既比例較焙茶重。當然，會甜過焙茶。本身expect會有回甘，可惜冇，有少少失望。紅豆蓉紅豆睇落去一粒粒，煮得夠耐，入口粉粉地、夠淋又不失口感。紅豆本身既味道唔太明顯，反而甜味出啲，成杯雪糕最甜既莫過於紅豆了～白玉丸子係無味既糯米糰子。丸子質地軟糯煙韌，有咬口，作為煙韌控覺得幾好！焙茶丸子認真咀嚼先食到少少茶味，質地同白玉丸子一樣。配埋紅豆一齊食可以中和紅豆既甜味。抺茶蕨餅表面既抺茶粉有些少苦澀回甘，不過回甘一瞬即逝。蕨餅味道比我想像中甜，質地軟淋。若然蕨餅質地挺身啲同埋減甜就更好。雪糕筒個筒好大～以為雪糕筒質地好脆，點知食落唔算脆，好聽啲係叫鬆化？掂住雪糕果啲部份，可以用淋黎形容如果脆啲就好啦。整體而言，冇我想像中咁出色。焙茶定抺茶？因為我中意有些少回甘，下次會選擇淨食焙茶。（抺茶雪糕個人認為x利做得更好～雪糕質地更挺身、茶味更出亦有回甘）配料中個人較偏好白玉丸子。不過下次食既話，我會選擇食淨雪糕，配料既存在可有可無。雪糕份量其實唔少，仲試埋