Video
Read full review
2017-06-18
1585 views
由於係用買一送一優惠，午餐唔係好多款可以揀，只能從Chef Special 4款中揀 (韓風海鮮香蔥煎餅/辣炒豚肉配粉絲/辣炸雞丁/韓式辣汁煎餃拌蔬菜)，本來想揀炸雞但係佢話今日無，最後揀左煎餅同煎餃。Set lunch包前菜 (韓式三小碟+Kimchi)及甜品(雪糕糯米糍)。本身都無諗住寫食評所以唔係影左好多相，不過好彩有影到主菜，如果唔係都分享唔到呢個咁經典嘅用餐經驗。等咗大約20分鐘，先黎煎餃，$88蚊有六隻，喺中環食Lunch我都唔會期望抵食，所以價錢/份量都唔係大問題。先睇張相，左邊三隻同右邊三隻顏色係咪好唔同？ 左邊三隻金黃色，右邊 三隻白雪雪，以為係鴛鴦口味？唔好意思諗多咗。我夾右邊嗰隻黎食，一咬落去我真係想講粗口，入面係冰！凍！的！唔係Room temperature，係真係有冰涼嘅感覺。跟住我就諗，其實呢個係咪冰鎮餃子，即係辣汁同冰餃溝埋等你有冰火Feel，你知啦而家韓國成日都有啲新gimmick可能係我outdated唔識野啫，話唔定佢想學翠華個冰火菠蘿油，黎個變奏版冰火辣汁餃，於是我問我個學緊韓文嘅女朋友，佢話佢嗰隻係熱嘅，我心情即刻跌落地獄---因為我已經吞左半
韓式辣汁煎(凍)餃拌蔬菜 (右邊三隻入面仲係係凍嘅)
$88
22 views
0 likes
0 comments
等咗大約20分鐘，先黎煎餃，$88蚊有六隻，喺中環食Lunch我都唔會期望抵食，所以價錢/份量都唔係大問題。先睇張相，左邊三隻同右邊三隻顏色係咪好唔同？ 左邊三隻金黃色，右邊 三隻白雪雪，以為係鴛鴦口味？唔好意思諗多咗。我夾右邊嗰隻黎食，一咬落去我真係想講粗口，入面係冰！凍！的！唔係Room temperature，係真係有冰涼嘅感覺。跟住我就諗，其實呢個係咪冰鎮餃子，即係辣汁同冰餃溝埋等你有冰火Feel，你知啦而家韓國成日都有啲新gimmick可能係我outdated唔識野啫，話唔定佢想學翠華個冰火菠蘿油，黎個變奏版冰火辣汁餃，於是我問我個學緊韓文嘅女朋友，佢話佢嗰隻係熱嘅，我心情即刻跌落地獄---因為我已經吞左半隻，而且呢半隻餃應該係未熟嘅。咁嘅情況，我梗係即刻叫個waiter黎投訴啦，佢講完sorry就收番碟餃，而我地就繼續捱餓食住泡菜等(同埋擔心緊會唔會肚痾---最後無事，我諗佢D餃應該都係一早煮熟左嘅急凍貨)。以為等廿分鐘煎一碟凍嘅餃已經夠離譜，點知低處未算低。。。。。。
韓式辣汁煎餃拌出緊煙嘅蔬菜
14 views
0 likes
0 comments
等左五分鐘多D阿侍應番番黎話已經幫我地heat up咗碟野，再搭多句Sorry。見到面前呢碟野，我真係連粗口都唔想講。從圖中可見 (未加熱前食左兩粒，加熱完食左一粒先影相所以呢張相得番三粒)，右邊粒餃子，仍然係白色嘅，因為佢就係之前嗰碟餃，分別就係呢隻餃入面熱到出晒煙，而最大嘅分別，就係連隔黎D沙律菜都係出！緊！煙！呢一刻我真係連個人都出埋煙。你唔換過一碟新嘅俾我都算，最低限度都拎D餃去煎吓丫，而家係你煎唔熟D餃喎，你竟然懶到成碟野連埋沙律菜去加熱？是可忍，孰不可忍？
韓風海鮮香蔥煎餅
20 views
0 likes
0 comments
等多15分鐘之後先黎嘅煎餅，係熱嘅，不過淡而無味。雖然唔想承認，但係嗰碟Heat up咗嘅沙律菜都好食過個煎餅。
我埋單嗰陣見到附近幾檯客都神情焦躁咁同waiter追上菜，可想而知佢個上菜速度係有幾慢。作為一間標榜自己係中高檔嘅韓國餐廳，官網仲要寫到"Jang’s goal is to become the first Korean restaurant to change the image of Korean food abroad and to be the best Korean restaurant in Hong Kong."，你真係改變晒我對韓國菜嘅印像。我實在想像唔到煎一碟咁簡單嘅餃子都搞到咁，我更加想像唔到個廚師要hea到邊一個點先會將沙律菜煮熱俾個客食。
Post
