紅島冰廳

Open Now

Now Closed

終於明白，點解咁多食評都話呢間餐廳唔好，幫襯佢不如幫襯澳牛。因為今日趕時間，見間餐廳近佐敦地鐵站，所以先幫襯佢。一入去就好似想趕人走咁，勁我勁大聲，服務態度差到不得了。唔怪得知見到有人寫話「不可一不可再」。特別點名！個收銀勁惡，一直怒啤住人，好似想趕人走咁，西到連胃口都無埋。其實如果做得唔開心，無謂發洩落啲客人。仲要不停講嘢，將啲口水噴晒落啲食物上面。員工衛生情況麻麻。如果服務態度+衛生情況可以比負分嘅話，我一定會俾！食物又唔係特別好食，完全諗唔到任何理由要幫襯佢。如果想受氣或者俾人鬧都可以幫襯佢。