板長壽司 (Closed)

板長今朝去完馬鞍山公園散步，見放假冇野做，係新港城行左好耐，肚餓就去板長食壽司。係板長門口等左好耐，都冇人來招呼我，索性自己行入去，但入邊都係冇侍應，再行入啲，終於有人見到我，然後是但指個位叫我坐低，作為客人，我覺得咁嘅服務態度真係唔要得。之後用平板電腦點食物，等左三個字，食物先上枱，比起其他分店，馬鞍山板長嘅上菜時間太慢了。講返食物，我叫左六款壽司，其中最好食嘅應該係油甘魚壽司，壽司上面嘅刺身係厚切嘅，味道尚算新鮮，醋飯味道都不錯，油甘魚質感軟腍，魚油味挺香，另外，我亦叫咗劍魚腩壽司，味道幾新鮮，刺身亦都係厚切，魚油味香濃。如果板長嘅wasabi可以轉係即磨的話，感覺會很不一樣，始終現在這種劣質wasabi味道唔夠，希望可以改善一下。