神豚 (Closed)

西營盤冇乜似樣嘅拉麵店，但今次試嘅呢間拉麵店， 令我改變呢個諗法。行入去呢間餐廳， 初時見到冇人， 心諗會唔會中伏呢， 但既然返到入去就試下啦 叫咗極上豚骨濃湯拉麵，88蚊價錢合理， 由於冇其他客人，拉麵好快就到啦一試之下，比想像中好食， 湯底好濃，好香， 最好食係啲叉燒， 燒得好香，又薄又夠脆， 我好少連啲肥膏都食埋， 但係今次就真係成塊食曬落肚 雖然有啲罪惡感，但係真係好滿足既然有驚喜，咁就試埋其他嘢啦 叫咗一個甜品 (唔記得咗叫乜名)， 雖然可能唔係佢哋自家製， 但食落都好好食， 有黑糖味綠茶味同原味 唔太甜又夠煙韌 推介食到中段見到有其他客人， 叫咗燒物， 見到個樣都唔錯下次，我都試下先