Video
Read full review
2012-03-16
45 views
喺香港東區川湘菜館真係翏翏可數，太古「阿欺瑪」可以之外，真係諗唔到仲有邊間...其實呢間「小辣椒」成日撘車經過，亦有聽過對佢有不錯評價，可能老婆唔鍾意食辣，所以遲遲未去試過，直到今晚，因為大人約咗佢啲舊同學食飯，剩下細佬我「食自己」；於是就可以去一試嘞晚上八點零去到，店內約有千尺，燈光明亮，樓底又高，雖然差不多坐滿，但不太嘈吵，環境還可以；幸好仲有兩張「吉」枱唔使等。坐低打開菜牌一睇，唉慘嘞呢次...原來都有好多款菜式選擇，想試蒜茸拍青瓜、涼伴土豆絲、剁椒魚頭、毛血旺、牛肚、牛肉、泡椒肥腸、炒土豆絲、酸辣粉等等等等都想試，但得一支公，點算呢！期間見好多人點水煮菜式，反而我就麻麻地；最後決定試泡椒肥腸、炒土豆絲、酸辣粉。首先嚟碗酸辣粉，血紅色湯頭加點點花生碎，先試湯，唔錯，湯酸、辣味啱啱好，係啲粉就爭咗啲；但最後我連湯都飲清，嘻嘻跟住就嚟泡椒肥腸，嘩炒得有鑊氣亦好好味，豬大腸夠肥美，不「un」，美中不足係仲有少少「豬腸味」；不過亦迅速給小弟清碟；味道真係好正最後到係炒土豆絲，好麻，仲越食越辣，反而無乜薯仔味，攪到我髮尾啲汗係咁表；呢味炒土豆絲就麻麻地 (個人意見炒土豆絲最好味係「傷心
其實呢間「小辣椒」成日撘車經過，亦有聽過對佢有不錯評價，可能老婆唔鍾意食辣，所以遲遲未去試過，直到今晚，因為大人約咗佢啲舊同學食飯，剩下細佬我「食自己」；於是就可以去一試嘞
晚上八點零去到，店內約有千尺，燈光明亮，樓底又高，雖然差不多坐滿，但不太嘈吵，環境還可以；幸好仲有兩張「吉」枱唔使等。
坐低打開菜牌一睇，唉慘嘞呢次...原來都有好多款菜式選擇，想試蒜茸拍青瓜、涼伴土豆絲、剁椒魚頭、毛血旺、牛肚、牛肉、泡椒肥腸、炒土豆絲、酸辣粉等等等等都想試，但得一支公，點算呢！期間見好多人點水煮菜式，反而我就麻麻地；最後決定試泡椒肥腸、炒土豆絲、酸辣粉。
首先嚟碗酸辣粉，血紅色湯頭加點點花生碎，先試湯，唔錯，湯酸、辣味啱啱好，係啲粉就爭咗啲；但最後我連湯都飲清，嘻嘻
跟住就嚟泡椒肥腸，嘩炒得有鑊氣亦好好味，豬大腸夠肥美，不「un」，美中不足係仲有少少「豬腸味」；不過亦迅速給小弟清碟；味道真係好正
最後到係炒土豆絲，好麻，仲越食越辣，反而無乜薯仔味，攪到我髮尾啲汗係咁表；呢味炒土豆絲就麻麻地 (個人意見炒土豆絲最好味係「傷心酸辣粉」囉)。
店內發現除本地及大陸人外，竟然有日本客添，總括味道唔錯，唔會太香港口味，可以放心繼續幫襯，係對辨嘅。
最後係員工服務要畀大大力改善 全店均似中年新移民阿姐，態度頗懶散，平時多數企哂近門口柜枱催水，唔識主動幫客人執枱加水囉；老細真係要留意下。
Post