梨和園韓日料理 (Closed)

同朋友仔睇完「跟蹤」,見到係徐子珊做,之前都無乜期望,不過原來個角色好啱佢做,又加埋刻情條綫都鋪行好好,唔差既一套戲,不過敗筆係邵美琪好勉強咁扮爛口,勁唔自然,十萬個失敗.講番食野.睇完戲又唔肚餓(事關睇戲前食左個kfc,勁多,不過件雞勁鞋口,同埋雞翼,我始終喜歡幫襯麥當當),竟然由黃埔行到去旺角先搵野食.十一點幾,行上去嘉樂板前,依然多人,仲要十二點last order,行了旺角一圈,因為無預出旺角食,無上openrice做功課,所以唔知網友的好介紹在那裡,見到梨和園,諗住都係搵地方坐下,所以上了去.一上去,就知道抽風系統嚴重不及格,有強勁油煙味.十一點幾上去,無乜人,不過最好就係有好大個電視,我地坐正前面.至於食物,都不過不失既.起碼牛肋骨夠肥,食落口都算甘香.又攞了幾隻打邊爐食的蜆去烤(仲諗住會俾人話,點知無)見全部都未打開口,死就死吧.經過一輪烤打(!!)後,蜆口打開招供,咦,都幾好食喎~幾他食物都沒有什麼好提.至於網友所講的服務態度,不衛生,我就感覺唔到,可能我太夜上去,所以都唔會太差.(我地連廁所都無去過~)所以,都勉強值得俾ok既~睇下會唔會肚痛先.p.s.1.有個問題,