Video
Read full review
2021-10-20
1715 views
呢幾日好想食合桃酥🙈 收工專登搭車過黎呢間老字號唐餅買嚟食滿足下自己😆黎到大約六點幾，原本想試佢既椰撻但已經賣晒嚕，最後買左一件合桃酥同一件咸切酥($6 each, $20有4件)合桃酥食落唔覺得好香，可能因為傳統老店係用豬油而唔係牛油整，我自己覺得口感硬左丁丁唔夠酥脆，整體可以但唔算出色～咸切酥雖然我見到佢好厚身預左佢唔會好似澳門果間出名手信店晃記一樣咁薄脆，但我諗住佢都會帶啲南乳鹹香味，食落原來係我一廂情願超失望。。。。佢既味道佢只係一舊淋左既蝴蝶酥而又無左蝴蝶酥既牛油香🙄我食左兩啖就掉左🤦雖然今次整體經驗唔算好，但呢啲老字號唐餅店買少見少真係要支持下💪下次會試下今次食唔到嘅椰撻，比較招牌嘅紅豆燒餅同雞仔餅，希望會令我對佢加分🙈🙈
黎到大約六點幾，原本想試佢既椰撻但已經賣晒嚕，最後買左一件合桃酥同一件咸切酥($6 each, $20有4件)
合桃酥食落唔覺得好香，可能因為傳統老店係用豬油而唔係牛油整，我自己覺得口感硬左丁丁唔夠酥脆，整體可以但唔算出色～
咸切酥雖然我見到佢好厚身預左佢唔會好似澳門果間出名手信店晃記一樣咁薄脆，但我諗住佢都會帶啲南乳鹹香味，食落原來係我一廂情願超失望。。。。佢既味道佢只係一舊淋左既蝴蝶酥而又無左蝴蝶酥既牛油香🙄
我食左兩啖就掉左🤦
雖然今次整體經驗唔算好，但呢啲老字號唐餅店買少見少真係要支持下💪
下次會試下今次食唔到嘅椰撻，比較招牌嘅紅豆燒餅同雞仔餅，希望會令我對佢加分🙈🙈
Post
