無老鍋

Open Now

Now Closed

之前去台灣食過無老鍋覺得好食又平，早兩年嚟香港開個陣有諗過去食，但太多人排所以放棄咗。呢排想打邊爐至醒起佢，好彩仲係度，就book位去試吓。叫咗個鴛鴦湯底，無老香辣鍋配麵包豆腐鍋，一位湯底費都要$60-70，都幾貴。湯底味道同係台灣食印象中差唔多，最正係豆腐鴨血可以任添，而且好好食，加咗4-5次🤭食物嚟講其實唔會話特別好食，響鈴即炸有啲誠意，水蓮亦都新鮮，手工三色滑中瑤柱滑同蟹滑膏都幾特別，牛小排牛味都算濃，其他食物就普普通通。香港食真係貴好多，同一價錢可以去其他火鍋店食仲可以叫多啲嘢，下次都係去台灣至會食。