京都勝牛 (MONTEREY Place) (Closed)

呢間食店開左好幾個月，成日經過都無食，今日決定試一試。睇餐牌覺得炸M9後腰脊好吸引，於是入去一試。我地叫左M9後腰脊($285)同勝牛雙味($198)，諗住幾種肉質都試一試，另外加左個炸廣島蠔($48)。上菜好快。我試左炸蠔先，怕凍左會腥。首先講，蠔好熱，都鮮味，相信係現炸，不過個炸皮極厚，隻蠔係大左一倍，有啲失望。套餐有面豉湯，椰菜絲，白飯，醃菜，飯菜湯都可以任添。勝牛雙味同M9後腰炸皮都好薄，上枱唔算好熱。三款肉肉質都好淋，但重點係無牛味！連啲醬汁都拯救唔到無味呢一點，個咖哩醬好味精。本來見到人地有鐵板燒牛肉，但我呢枱無職員offer幫手，結果我地都係就咁食算。總結，一試無回頭。