士林棧 (Closed)

上星期約左朋友聚會，佢地介紹話依間餐廳幾好食而且D野食都吾用味精架。我心諗見個名叫士林，實係食台灣野啦，所以就入去試下囉。一入到去，地方其實吾係好大，但我幾鍾意D木檯木椅，感覺上真係有D風味。聽老闆介紹，佢地既，甘我就梗係要試下啦，我仲叫左碗陽春麵同五味脆雞扒，甘我就等於雞牛豬都食過喇！首先食既梅貴豬扒，咬落去又真係幾林喎，又吾會太濃味；之後五味脆雞扒，第一眼望落去就有D乾喇，一睇就知吾脆啦，好彩有個酸甜醬總算有番D味啦。最後到個牛展陽春麵，牛展炆的好林好有層次感，老闆話台灣大多都係牛展多過牛腩，因為牛展係等同豬既梅頭甘，所以會好食D！我未試過食架，但試過又真係吾錯，加上個湯汁，好味！總括黎講，梅貴豬扒同牛展尼兩樣招牌菜的確係值得一試既。