Noodies (Closed)

今日黎試下呢間NO MSG既麵店一早決定好試冬蔭公同喇沙湯底，兩個都好好味！湯底都係偏重奶味，但不失各自風味配料要左: 墨丸，扎肉，手撕雞，豬頸肉，八爪魚餅墨丸有驚喜！食落唔係平時食到個d咁，係比較實淨同彈牙扎肉都幾好，但係重胡椒個款。手撕雞好食！份量多，又唔鞋，仲有淡淡既香味豬頸肉相比之下就無咩特別，但都係冧既！八爪魚餅就夠足料，八爪魚多到爆咗出嚟極度推介春卷！好味到暈低一黎到已經好香，有陣牛油味，食落好脆又足料！仲要好大條！飽都要食兩條不過要預返等要等十幾分鐘先有野食(人多可能仲耐)，而且安排有d混亂，坐落有好幾次搞錯單同無落單。但態度係好既，不過可以改善下，例如加返座位號碼落單嗰時顧客自己寫埋，會無咁混亂。