味滿

Open Now

Now Closed

因為感冒加咳咗成個星期，喉嚨好唔舒服，所以突然好想食番碗粥。咁啱就經過咗呢間位於天后嘅「味滿」，目測裝修設計簡約清新，環境舒服衞生，仲有隻可愛貓貓公仔貼係門口，決定一試。餐廳提供有各款生滾粥、亦有各式粉麵飯及腸粉，亦有不同傳統小食及麻辣系列。除單點外，更設有全日套餐，凡點一個主食可以優惠價選一或兩款小食、及追加飲品。《皮蛋瘦肉粥》（$43），粥底夠曬綿滑，皮蛋瘦肉粥真係好有效下火、皮蛋更可令喉嚨即刻舒服咗，食完成個胃暖曬，十分正。《香茜牛肉腸》（$28），腸粉夠滑嫰，牛肉平均包在腸粉中，配埋餐廳辣椒油夠香又不太辣，更加好味。《酥炸鯪魚球》（$32），推介必試。因為見到隔離枱叫，上枱時見到非常吸引，所以忍唔住都叫咗。鯪魚球彈牙酥香，點上蜆芥更提鮮，呢個絕對係一味童年回憶嘅食物。